|
|
|
|
||
  
|
|
|
|
|
|
|
||
|
|
(Pavīzdē pajimtė ėš Mažeikiu moziejou sauguomu tautuosakas rinkėniū)
Patarlės ir priežuodē
Mėslės
- Ein puonė par dvara so šimto suknieliu, papot viejielis gīvs kūnielis. (Vėšta)
- Ek, seserelė, vėino kelio, aš eisio kėto. Sosėtėksem už kalna. (Jousta)
- (Bušmienė Danutė, Meteniu kaims)
- Stuov kerčiuo pasipūtės, lek par lauka kap padūkės. (Šautovs)
- Kėimou kluoniuojės, vo laukou užpakali ruoda. (Šolėnė so svėrtė)
- Ketorė bruolē i kipieli mīž. (Karvė melž)
- Trumpa drūkta panelė, kas anou čiupinie, tas kriuok. (Cėbolė)
- (Girdenienė Barbuora, Pikeliū kaims)
- Atmet vėina rėita, atmet ontra rėita, i tou vėdo kėš gaurouta. (I ratus kinka arkli)
- (Juonickis Juons, Joudeikieliu kaims)
- Ein jautis gertė, vo pėlva nomėi palėikt. (Užvalkals)
- (Intienė Elėna, Bataitiu kaims)
- Parvedliava martė par Bugenius, par Regenius, par Šniaukės dvara, pasvadėn už stala, pūkšt er nušava. (Utielie)
- (Mažuonienė Magdelena, Pikeliū kaims)
- Gimst rauduons, aug žals, užaugės mėršt geltuons. (Rogē)
- Nukrėtusius pakel, išsiskīrusius suartėn, plėkus apdara. (Staniks)
- Ejau kelio, radau bluki, pasidėrbau dvė geldalės, dvė maldalės, katėlāti, vuotkuoti. (Oužoula gėlės)
- Mėškė gėmės, mėškė augės, parejės nomėi saka tupu lupu. (Mėltu rietis)
- Mėškė gėmės, mėškė augės, parejės nomėi mergū užsigeidė. (Kalvarats)
- (Mickienė Eufemėje, Pikeliū kaims)
Pamiegdžiuojėmā
- Kregždė:
- Išlėkiau, išlėkiau, parlėkiau,
- Išlėkiau, išlėkiau, parlėkiau,
- Palėkau pėlnas mėigas, pėlnas mėigas,
- Parlėkiau lapīnė, parlėkiau lapīnė.
- (Stonkienė Stasė, Pikeliū kaims)
- Balondis:
- Jūzap, Jūzap, kam brūklīs, kam brūklīs?
- (Vo ka jau sokas i rinki):
- Kam mon brūklīs, kam mon brūklīs?
- Ratā:
- Pėrks puons degota, pėrks puons degota.
- No, nuvažiava i tou torgo, tas puons prisigierė, tuo degota nusipėrka, važioun nomėi, ratā viel gėid:
- Nepėrk degota, nepėrk degota.
- Ratā jau pakalnie, greičiau važioun:
- Ka nebie nebrēk, ka nebie nebrēk.
- Žemalės bažnīčės varpā:
- Dongos brongos, pekla!
- (Puocios Stepuons, Žemalės kaims)
- Spragėlā:
- Ka trīs kol:
- Tievs so patė, pėimou.
- Ka šešė kol:
- Lėnta patašīta, kerčiuo pastatīta.
- Kuisis, lakiuodams pri ausėis, saka:
- Bruolieli, bruolieli
- Ka priger kraujė, nuliekdams:
- Pimpis
- Tēp mes liūbam pīkintė Ruozalėjė tuokė merga bova:
- Veiziek, rokoun, kāp ta blezdinga gėid:
- Ta ta Ruožė, ta ta Ruožė.
- Pasisukiniejos:
- Ta ta Ruožė, ta ta Ruožė be juokiuos nuočīnas!
- Pėmpė:
- To žīds, to žīds, to žīds!
- Vo žīds saka:
- Pėmpūks!
- (Sėdabros Kazīs, Krakiu kaims)
Parėngė Ramanauskienė Raimonda
|
© Žemaičių
kultūros draugijos redakcija, 1998-2000. |
|
|
|
|
|