A žėnā, kuoks stėpros, kėits ė riktings īr žemaitis? Pasėklausīk, kāp bova.
Kažkuokėi neprietelē mėškė sotėka žemaiti. Jiemė anou ė pakuorė. Pratintaliava
vargšos tris dėinas ė tris naktis. Kažkas ėjė pruo šali ė noleida tou žemaiti.
Noleists žemaitis nieka nesakė, tiktā kakla čiopėniejė ė tēp keiktėis pradiejė:- Rokšmīžės! Pakartė nuoriejė. Alė vėinam, žėnā, baisē nobuodē
nepratės. Ė jiestė baisiausē ožsėnuoriejau. Vuo dar tuos mosės gīvatės kap so
adatuoms bada
- Nosėspjuovė ė noejė.
- ***
- Vuo a žėnā tamsta, kou dara sovalkietis, aukštaitis, dzūkielis ė žemaitis, ka
anėms paruoda špīga?
- Sovalkietis, tuoks ėšlaikīts, ramos žmuogos, ėšvīdės tou špīga, moštėis
nepol, bet vėsos ėsėtėmpės ėštratėn:
- Kvailas kaip čebato aulas!
- Aukštaitis jau neėšlaika ė tam, katros paruodė špīga, kert i ausi ėš
dešėnies.
- Dzūkielis baisē gers žmuogos, bet dar karštiesnis ož aukštaiti kert ė ėš
dešėnies, ė ėš kairies.
- No, ruoda špīga žemaitiou. Tas veiziejė, veiziejė, veiziejė ė ėšsteniejė:
- A tatā mon ruodā?
- ***
- Žemaitis ein lėipto par Vėnta ėr pašnėbžduoms vės šnek:
- Vėnta, Vėnta, to švėnta
- Ka parejė, atsėsoka ė saka:
- No, to ė šniuokštē kap rupūžė
- ***
- Atein žemaitis i stuoti ėr klaus, kumet ėšvažioun greitasis traukinīs i Šiaulius.
- Už keturiū adīnu, atsaka anam budintė.
- Še kad nuori! Va, ėr greitoms tuo traukėnė
- ***
- Važioun do žemaitē ėš torgaus nomėi. Vėns ėš anū okatėj:
- Ale jimkiav ė padainioukiav.
- Gerā, pritar anam ontrasis, bet kažkāp netīčiuoms pasok kuojė, ė ta tik
šmaukšt i ratu tekėni.
- Kuojė, kuojelė ratė! ka sokriuoks ons kėik begaliedams so baisiausio
notėisėmo.
- Kuojītelė ratė!.. dainioudams pritar anam draugs.
- ***
- Teisma pirmininks skaita nuosprėndi žemaitiou, katros, kāp jau būn anam baisē
retā, nesosėlaikė ė ėškeikė sava sosieda, vuo bėngdams anou dar ė kiaulė
ėšvadėna.
- Nuosprėndis trumps: tories žemaitis somuokietė 100 litu bauda.
- Je būtiuo žėnuojės, ka kiaulės mēsa tėik staigē pabrings, būtiuo ė tuoliau
žuodė neėšdaužės, tepasakė žemaitis
- ***
- Sogalvuojė naujo Lietovuos laivo paplaukiuotė sovalkietis. Teiraujės, kėik tas
kaštous.
- Aukštiausės klasės kajutie šimts litu, pėrmuos klasės septīnės dešimtis,
ontruos pėnkesdešim, vuo je Tamsta plauksi paskou laiva, ė vėsā nieka muokietė
nerēks.
- Sotinko, apsėdžiaugė sovalkietis ėr tik paklausė, kuokio maisto onou už
borto maitins.
- ***
- Priein vāks pri senelė ė klaus:
- No, senieli, kāp so tamstas dontelēs. A tebtori?
- Kou jau tuokemė omžiou betoriesi? atsaka tas.
- Tumet palaikīk mona rėišotus kol aš če lakstīsio.
- ***
- Ieit iš kūtės mažuoji Vuonelė so savo mamo. Pribieg mažuoji pri ruozetės ė
klaus:
- Vuo kas če tou mūsa paršėlieli imūrėjė?
- ***
- Somėslėjė dornē pabiegtė ėš lėguonėnės. Bet kāp pabiegsi: longā
oždarītė,
duris užrakintas, sėinas stuoriausės.
- Dingstam pruo rakta skīlelė, saka vėins.
- Prieštaraujėntiu nabova, vuo tumet
Vėins pu kėta ė pašuokdamė i vėršo, ė ėš
tuola ėsėbiegiedamė daužies anėi i duru spīna, vuo ka kraujēs apsėpīlė, vėins
ėš anū prisieda, isėveiziejė i duris ė ėštarė:
- No, ė dornē, a namatuot, ka rakts i skīlė īkėšts
- ***
- Ieit Pietris i valgīkla, pasėjem liekštė sriobuos. Nie šaukšta nepasriebė, kāp
vadėn padaviejė, ruoda sriobuo plaukiuojėntė mosė.
- A tik vėina? dīvuojės padaviejė. Būtomi matės, kas katėlė diejuos, keik
ten ont vėršaus plaukiuo!
- ***
- Sotėka Grūstie Jūzaps prėgierusi Ontuona.
- Ontuonā, a pruota pametē, daktars juk uždraudė Tamstā gertė!
- Mon anuo draudėms jau nabgaliuo vakar daktars šaukšta padiejė
- ***
- A atpažīsti tou šautova? klaus tardītuos kū tik ont apklausuos atvesta
žemaiti.
- Vu kāp ne?!
- Ta tēp ė ožpruotokuolousem
- Vuo kāp kėtēp! Juk jau pėnkta ka
rta mon tou šautova ruodā. Ė mažos
atpažintom
- ***
- Puo operacėjės kirurgėnė skīriaus palatuo rokoujės lėguonē.
- Ačiou dėivaliou, šiou karta atruoda, ka vėsks gerā
Vo juk veina karta bova
tēp, ka par apėndicita uoperacėjė kirurgs mona ciuosės pėlvė palėka žėrklės. Puo
kėik laika tou pėlva ėš naujė reikiejė pjautė.
- Žėrklės niekā! Monājem bova replės palėkė, stuojė aiškintė
kėts.
- Tou laiko i palata īliekė daktars, sosėrada akimis naujē ėšuoperouta
žmuoga ė saka:
- A aš pas tamsta nepalėkau sava skrībelės?
- ***
- Torgou pri kaimietės, katra pardavuojė vėštas, priejė putli, baisiausē ėšsėdažiosi
miesčiuonka ė jiemė tarškietė:
- Puonītelė, gal galietomi pasakītė, kou to lesėni tas sava vėštas. Nuorietiuo ė
aš tēp sobluogtė
- ***
- Važioudams nomėj puo sesėjės stodėnts so draugās sumėslėjė apsėlonkītė
šuokiūs. Bet, tik ėšvedė mergelka šuoktė, tik apsoka puora ratu, ė susmoka unt
žemės.
- Vondėns, vondėns anam, jiemė šauktė draugā.
- Apšlakstīts, pagirdīts stodėnts atsėgava, pramerkė akis ė ėštarė:
- Da rēktom ė lašėniū so douno
- ***
- Ateit lėguonis pas daktara ė saka:
- Daktarieli, aš mėslėjo, ka tamsta monėj nostatē ne tou diagnuozė
- Gali mislītė kāp nuori, vuo kas bova teisos, skruodėms paruodīs.
- ***
- Kalbas do jaunė žemaitē.
- Veiziek, kāp keitas laikā: mona babunė nuoriejė, ka aš būtiuo konėgs, muotina
vės liuob sakītė, ka torio būtė garbings žmuogos, vu žmuona džiaugas, ka aš bėnt
nakti i nomus pareino
- ***
- Žemaitis pasomdė sovalkietė tarnaitė tvarkītė nomū. Puo koriuo laika ons klaus, a
tarnaitė akvariumė žoveliems pakeitė vondėni.
- Vuo kam kėistė? Juk dā anuos tuo vondėns neėšgierė, atsakė ta.
- ***
- Sosėrinka i krūva bėndradarbē ė jiemė pasakuotė naujīnas.
- Vakar viršininkou anuo pati pasėpasakuojė vėsas sava neėštikimībės, ėšriežė
vėins.
- No ė stuora ožrašū kningelė anā reikiejė torietė, juk ont puomietės nie ėš
tuola vėsū tū sava naėštėkėmībiu ana nagaliejė torietė.
- ***
- Ožeit vėina jauna žemaitė i krautovė ė praša atkėrptė 20 metru medžeguos
naktėnems marškėnems.
- Kam tamstā tuokė daugībė?
- Monāsis paskotėnio laiko i muokslus pasėdavė. Anam dabar svarbiausē
ėiškuotė
- ***
- Sosėtink do draugā, ėsėšnek.
- Kāp gailo, ka aš lig šiuol natoriejau maluonoma sosėpažintė so tamstas žmuona,
saka vėins.
- Vuo ėš kor Tamsta žėnā, ka so anou īr dėdėlē maluonē? so itarėmo
paklausė otrāsis
- ***
- Ėšejė Juonis i mėška grību rinktė. Renk, renk tik ka ėšpols ėš mėška
muotrėška so šakiems.
- Tamsta nuori muni ėšprievartautė? sošoka ana.
- Ne kū tamstelė če niekus tauški.
- Sakā nanuori. Vuo prisėeis
- ***
- Juonielis baisiausē ėsėmīliejė Elzītė. Atejė vėina vakara pas anou i nomus ė
jiemė laužītė ronkas, prašītė, ka naatstumto, nes je jau ėšvarīs, ta tėkrā, ka
anam nieka kėta nablėks kāp tik kapūs sau vėitas pasėėiškuotė.
- Elzītė Juonieli atstūmė ė ėšvarė. Vu Juonielis
Tas tėkrā ka kapūs
atsėgolė, bet tik puo 70 metu.
Parėngė Ramuonātė Danutė
- Varna Sigita puortėgrapėjuos Užgavėniu, koriuos vīka
1998-1999 metās Plateliūs,
kaukės
-
Je
tuo neožteka, skaityk tuoliau:
