Kultūra Istorija Kultūra Kalba Lankytinos vietos Vyskupija Literatūra Žemaitijos herbas
Tautosaka Naujienos Redaktoriaus žodis Archyvas Atsiliepimai
RodyklėĮ pradžiąInformacija

ELEKŠIS JŪZAPS. ŽEMAITĖŠKĖ EILIERAŠTĒ

 

Kas če atsėtėka?
Žemaitėjuo žīd jau lėipas,
Pėivuo žėidus barsta saulė,
Rogiū varpas dar nekėitas,
Bet plaukītė vėsor galem.
 
Narond vėitas sau vaikiezā –
Če dainiou, če nusėmėnė,
Kiaura dėina, nakti vėsa,
Kažkuoks ilgesīs krūtėnie.
 
Vo mergelkas laksta, klīkau,
Plaukus garbanuo, šokoujės,
Veiz i veidruodi: „Ar pavīka?”
Ėr viel gražėnas ėš naujė.
 
Kas če dabā atsėtėka,
Mergės, vaikē, kou pajota,
Ka nabnuor jau nieka kėta,
Tiktā laksta kap pasiotė?
 
Musėnt saulė vėskou kalta –
Tėik tū žėidū daug prisiejė,
Ėšgainiuojė rūkus šaltus,
Kvapū atnešė so viejo.

 

Žemaitėjė
Tarp kalnieliu Žemaitėjuo
Kelē takā sosėvėjė,
Vo pakalnies – sraunės opės,
Kor lelėjės baltas sopas.
Gintara ežerā tebsauguo,
Tuolėj – gėlē, plauktė baugo.
Ka i mėška ivažiouji,
Gali rinktė ougas saujuoms.
Kėik žėidieliu tėn pakalnies,
Žīd vės, kol nekondžiuo šalnas.
Bieg šaltėnē ėš pakriaušiu –
Ger če šernā pasėšiaušė.
Kor laukėnē aug čėsnakā
Sosėkortė lauža rēktom.
Ateis ūkininks pri tavės,
Medpadelēs apsėavės.
Ėr pasiūlīs krūža pėina,
Ėšmėiguotė ont šviežė šėina.

 

 

 

 

 


© Žemaičių kultūros draugijos redakcija, 2001
Tinklalapis atnaujintas 2014.07.29 .
Pastabas siųskite adresu: samogit@delfi.lt

Istorija Kultūra Kalba Lankytinos vietos Vyskupija Literatūra
Tautosaka Naujienos Redaktoriaus žodis Archyvas Atsiliepimai
RodyklėĮ pradžiąInformacija