Kultūra Istorija Kultūra Kalba Lankytinos vietos Vyskupija Literatūra Žemaitijos herbas
Tautosaka Naujienos Redaktoriaus žodis Archyvas Atsiliepimai
RodyklėĮ pradžiąInformacija

„Žemaičių žemė“. 2005 m. Nr. 2

Kultūrinis gīvenėms Muosiedie

Muosiedėškē nu sena garsie gražiuoms suodībuoms, poikē tvarkuomo seniūnėjės centro, katros īr išpoušts iduomiausēs, dėdliausēs kūlēs, liaudės meistrū išdruožtuoms medė skulptūroms, iduomē, skuoningā sukomponoutās gielīnās. Stebėn seniūnėjės žmuonis ėr sava skombiuom dainiems, šuokēs, sogebiejėmo iduomē leistė laisvalaiki.
 Gražos Bartovuos opės slienis, katramė veik Respublikinis unikaliū akmėnū moziejaus lauka ekspuozicėjė. Če  puiki vėita ivairiū masėniu švėntiu, rėnginiū organizavėmou, tad neatsėtėktėnā Mosiedi jau do kartus pasirinka ėr Lietovuo vīkstontiū tarptautėniu folkluora festivaliu „Baltica“ organizatuorē. Če vīkst ėr country mozėkas festivalē. Patis muosiedėškē miestelie organizoun tradicinius folkluora festivalius „Bieg opelė vingordama“, savėm gražē paruoda ėr i kėtus pasėveiz Muosiedie sosėtėkdamė so sava draugās iš užsienė – Lėnkijos Parchuova gminas ėr Vuokītėjės Friesack miesta mena kolektyvās, nuvažiavė pas anus i svetius. Gražē miestelie īr  pamėnavuojemas valstībėnės švėntės, svarbiausės sokaktis. Soėjė i būri, muosiedėškē gražē atšvėnt tradicėnės švėntės, jubilieju ėr kėtuoms pruoguoms pagerb daugiausē tam kraštou nosėpelniusius žmonis.
Svarbiausė seniūnėjės kultūrėnė gīvenėma organizatuorē – Muosiedė kultūras centros, vėdorėnė muokīkla, bėbliuoteka. Šaunus Muosiedė folkluora ansamblis, poikē grajėj kultūras cėntra kapela, gražē skomb miestelė muoterū vuokalėnė ansamblė atlėiktamas dainas. Turtingas kultūrėnė darba tradicėjės tor vėdorėnė muokīkla, kor veik nemažā mena kolektīvu, gražē skaitītuojus aptarnaun ėr kultūrėnė darba tradicėjės puoselie Muosiedė bėbliuoteka.
 
„Žemaičių žemės“ inf.
 

© Regionų kultūrinių iniciatyvų centras
Tinklalapis atnaujintas 2014.07.29 .
Pastabas siųskite adresu: samogit@delfi.lt

Istorija Kultūra Kalba Lankytinos vietos Vyskupija Literatūra
Tautosaka Naujienos Redaktoriaus žodis Archyvas Atsiliepimai
RodyklėĮ pradžiąInformacija