Į pradžią
Į pradžią

„ŽEMAIČIŲ ŽEMĖS" ŽURNALAS. 2003 m. Nr. 1

LĖIPAS MIENOU

 
Nu sena tou dėina žmuonis vėsuo Lietovuo spie, kuokėi būs artėmiausiu septīniū dėinū ėr septīniū savaitiu uorā. Sakuoma, ka je lėipas 10 dėina līn, lis ėr ateinontės 7 savaitės, vuo je uors tou dėina gražos, gerė uorā ėšsėlaikīs ėr vėsas ateinontės septīnės dėinas ėr septīnės savaitės.
Rītū Lietovuo žmuonis liuob sakītė, ka je septīniū mėigtontiū bruoliu savaitė ni kėik nepalīn, būs prastė metā ėr derlios nekuoks.
 
 
Pu Škapliernas jau gali pradietė rogepjūtė. Lėipas 16-oujė dėrbtė nerēktom, nes viejē gal pradietė nomū stuogus pliešītė.
Par Škaplierna pri truobuos neožmėršk pabarstītė grūdū, ka varnas stuogū nedraskītom.
 
 
Vasaras linksmībiu, derliaus prinuokėma švėntė. Tou laiko jau atsėrond ougas – braškiu, mielieniu jau daug kas būn žėimā prisėtaisės. Švėntiems gal prisikastė ėr šviežiū bolviu, dounelė gal ėšsėkeptė ėš naujė derliaus rogiū. Pu pamaldū, šv. Uonuos atlaidū (parapėjės švėntės, skėrtuos šv. Uonā) dar ėr šēs laikās daug kor vīkst pasilinksmėnėmā, gėmėnies sosėejėmā, jaunima vakarelē gamtuo.
 
Atsėmink:
* Je Uonėniu ėšvakaries kopūstu gūžtės apspaudīsi – kopūstā galvas geriau soks.
* Je Uonėniu dėina līn – tās metās rėišotā būs sopovė.
Valstībės dėina
Vasaras linksmībiu, derliaus prinuokėma švėntė. Tou laiko jau atsėrond ougas – braškiu, mielieniu jau daug kas būn žėimā prisėtaisės. Švėntiems gal prisikastė ėr šviežiū bolviu, dounelė gal ėšsėkeptė ėš naujė derliaus rogiū. Pu pamaldū, šv. Uonuos atlaidū (parapėjės švėntės, skėrtuos šv. Uonā) dar ėr šēs laikās daug kor vīkst pasilinksmėnėmā, gėmėnies sosėejėmā, jaunima vakarelē gamtuo.

 


© Žemaičių kultūros draugijos informacinis kultūros centras
Tinklalapis atnaujintas 2014.09.01 .
Pastabas siųskite adresu: zemaiciu@gmail.com

Istorija Kultūra Kalba Lankytinos vietos Vyskupija Literatūra
Tautosaka Naujienos Redaktoriaus žodis Archyvas Atsiliepimai
RodyklėĮ pradžiąInformacija